Saturday, June 15, 2013

නොපිපි නොපිපි කැකුළු (අතවරයට ලක්වූ වයස අවුරුදු 14ක දැරියක්, දරුවෙකු ප්‍රසූත කරයි - පුවතක්)




නෑඹුල් මල් කැකුළු පෙති දිග හරින්නට
දිවියේ සොඳුරු යුගයට පා නගන්නට
තවමත් නොපිපි මල් කෙළෙසා දමන්නට
කෙළෙසක හැකිද ඒ අසරණ දෙනෙත් යට

මනුසත් ලොවේ තිරිසන් ලෙස උපත ලද
ඒ නරුමයන්  කැකුළු කුසුම්  තලන ලද
නීතිය සොයා දැමුවත් සිර ගෙයට ඇද
කෙළෙසුනු මල් කැකුළු නැවතත් පිපෙනවද?

දිවි මග දුරක් සතුටින් යා යුතුව ඇති 
මව් පදවියට එළඹෙන්නට කලක් ඇති
අසරණ ඇයට වැලපෙන විලි රුදා හැදී
පිහිටට කවුද හෙට දින කටු පඳුරු  පිරී

මව් පදවිය සතුටකි සැම නිති සැමරිය යුතු
එනමුදු තවම මව් තුරුලේ සුරතල් විය යුතු
ළපටි කැකුළු ඇය තුරුලේ බිළිඳු හඬනු දුටු
නෙතඟ කඳුළු මතුවිය හෙට දිනය සිහිව මතු

දිනක ඇගේ දියණිය ලොව අවමන් විඳ විඳ
සිතින් දහස් මියැදෙනු ඇත මව් ගැන සිත සිත
දිවියෙන් තව දිවියක් අඳුරෙහි ගිල්වන ලද
නිරයක් තව ඉදිවනු ඇත උන් දමනට ඇද 

No comments:

Post a Comment