ගිනි පිඹින අව් රැල්ල - ධූලි මුසු පවනෙන්
මදක් කොල සෙලවී - සිසිල ඉල්ලා වැලපී
දිය බිඳක් යදිමින් - ගගන තලයට වඳිමින්
පුරුක් ඉහලට නැඟෙමින් - හමන සුලඟට වැනෙමින්
නිර් උදක පස මතින - සුවඳ මල් වුව නොපිපෙන
දෙනෙත පිනවන නොම වන - අමිහිරිම වූ දිවිය අවසන
පිරෙන සියොලඟ මිහිරෙන - පිදෙන එනමුදු අනුනට
අවසන අහවර ඉරණම - මිරිකෙන තරමට පිරවෙන
තව තව මිරිකෙන මිරිකෙන - තව තව සියොලඟ දියවෙන
අවසන දිවියද වන නිම - පිරවෙන පිරවෙන නොම නිම
රොඩු බොඩු අමතක වන කල - අරුමැති බඳුනක ඇසිරෙන
සීතල කුටියක යන එන - මධු යුශ දුර දුර රට යන
තව තව අළුතින් පැල වන - දිවි අග කිසිවකු නොදකින
සියොලඟ අනුනට කැප වන - ළපැටිම උක් දඬු පැල පෙල
No comments:
Post a Comment