දසමස් සෙනෙහසින් කුස තුළ හොවාගෙන
අපමන දුක් කටොළු තනිවම දරාගෙන
වඳ යන නෑ නොනෑ ගැරහුම් මරාගෙන
කුමරුන් හඬන දිනයයි මව් සිනාසෙන
කුමරුන් ඉපිද කිරි ඉල්ලා හඬන විට
කුළුඳුල් මවුන් තන කිරි නැත පුතුන් හට
පැසසුම් වෙණ වැයූ නෑයන් බනින විට
කිරි මව් කව්ද ඈ වෙනුවෙන් සිටින හෙට
කුසගිනි වෙලා පුතු හඬනා විට මවට
ලේ කිරි වෙලා ඉතිරී පිට නොයන විට
නැන්දම්මාද නෑයන් නැත පිහිට කොට
කවුරුන් පිහිට වන්නද මව් කුළුඳුලට
නෑයෙකු නොවූවත් බැතිබර සොයුරියකි
කරුණා බරිත වදනින් මව් දුක නිවති
කුළුඳුල් මවුන් දරු හට මව් මෙන් ළබැඳි
මව් මෙන් පුතුන් හට බෝසත් කිරි මවකි
ඔවදන් දිරිය දී මව් කිරි පුතු ලබනා
පුතුනට මවුන් කිරි ඉතිරී දොස් බිඳිනා
හෙදියක වුවත් වැටුපට සේවය සදනා
මව් ලෙස දහස් පුතුනට ඔබ මට පෙනුනා
No comments:
Post a Comment