දෑඟිලි නොමැත සියුමැලි නා දළු පැහැය
පෙමින් හුයට බැඳි නිය නැත රතු පැහැය
සියුමැලි දෙපා මැසිමට පුද කර සවිය
සටනකි වියන රුපියල් ශත යට දිවිය
දිනකර නැගෙනු පෙර අරඹනු දිවි ගමන
නිමවන සවස කළුවර ගෙන පා නගන
ගමනද දිවිය මෙන් කටුකය නැත පවන
බසයද පමණ සැනසුම දවසම පෙලන
මැසිමේ දිවිය වියනට හිරු හා නැගෙනා
නිදිබර දෙනෙත් සන්නාලිය ගෙන දිවෙනා
උන්ගේ සිතට මද නිවනක් ගෙන ඇදෙනා
සිතුවේ පෙමින් උන් හා බස් රථ යෙදෙනා
ඔරලෝසුවේ රුපියල් ශත දිවෙන වෙලේ
ඇඟලුම් හලේ තත්පර කහවනුව හැලේ
මොහොතක ඉසිඹුවක් නොවනට දමන කරේ
තොන්ඩුව මිසක් බසයක් නොව ගලන සෙනේ
No comments:
Post a Comment